«Барселона» ҳимоячиси Андреас Кристенсен Ла Лиганинг 7-турида «Севилья»га қарши ўйинда жароҳат сабаб мажбуран алмаштирилди. Каталонияликлар ушбу баҳсда 3:1 ҳисобида ғалаба қозонди.
Даниялик футболчи иккинчи бўлим ўрталарида жароҳат олди ва ўйинни давом эттира олмади. Кристенсен учрашувда Рафиньянинг голига ассист ҳам қайд этган эди.
Алмаштирилгандан сўнг Кристенсеннинг кайфияти тушкун эди — у захира ўриндиғида юзини қўллари билан беркитиб ўтирди.
Эслатиб ўтамиз, даниялик ҳимоячи жароҳатлар сабаб ўтган мавсумнинг иккинчи ярмининг деярли барчасини ўтказиб юборган эди.
