«Arsenal» yarim himoyachisi Deklan Rays Angliya Premyer-ligasidagi 300-uchrashuvini o‘tkazdi. U bu o‘yinlarning barchasini London klubi safida o‘tkazmagan — futbolchi avvalroq «Vest Xem» sharafini himoya qilgan.
Rays APLda 300 ta o‘yin o‘tkazgan eng yosh futbolchilar ro‘yxatida uchinchi o‘rinni egalladi. U bu natijaga 27 yoshu 249 kunligida erishdi.
Undan avval Garet Berri 26 yoshu 323 kunligida, Frenk Lempard esa 27 yoshu 209 kunligida Premyer-ligada 300-o‘yinini o‘tkazgan. Lempard bu ko‘rsatkichga Raysdan atigi 40 kun yoshroq paytida yetib borgan.
Biroq Raysning yubiley uchrashuvi «Arsenal» uchun omadsiz yakunlandi — londonliklar «Brayton»ga 0:3 hisobida mag‘lub bo‘ldi.
