A Seriyaning 5-turida Milanning «Inter» klubi yana xarakter ko‘rsatdi. Kristian Kivu shogirdlari «Roma»ga qarshi bahsda 0:2 hisobida ortda borayotib, yakunda hisobni tenglashtirishga muvaffaq bo‘ldi — 2:2.
Uchrashuvdan so‘ng «Inter» hujumchisi Markus Tyuram jamoasining o‘yini haqida fikr bildirdi.
«Barchamiz «Roma» hozirgi paytda eng kuchli jamoalardan biri ekanini va mavsumni juda yaxshi boshlaganini bilardik. Biz o‘yinga to‘g‘ri yondashishni istagandik, ammo «Roma» birinchi bo‘limni fantastik darajada o‘tkazdi. Shundan so‘ng biz vaziyatga javob qaytarishimiz kerak edi va buni uddaladik», — deya Tyuram so‘zlarini forzaroma.info keltirmoqda.
Eslatib o‘tamiz, «Inter» Italiyaning amaldagi chempioni hisoblanadi. A Seriyaning keyingi turida milanliklar o‘z maydonida «Parma»ni qabul qiladi.
