"Barselona" futbolchisi Rodri Ernandes shanba kuni "Sevilya"ga qarshi o‘tkazilgan uchrashuv jamoa uchun joriy mavsumdagi birinchi haqiqiy jiddiy sinov bo‘lganini aytdi.
"Ko‘k-anorranglilar" uchrashuv davomida hisobda ortda borayotganiga qaramay, yakunda 3:1 hisobida g‘alaba qozondi. Mehmonlarning barcha uchta golini Rafinya Dias urdi.
"Bu mavsumda biz ilk bor haqiqiy qiyinchilikka duch keldik. O‘yin juda og‘ir kechdi. "Sevilya"ga qarshi safarda o‘ynash — La Ligadagi eng qiyin sinovlardan biri. Ular juda kuchli jamoa", — dedi Rodri intervyuda.
"Barselona" yetti turdan keyin 21 ochko bilan Ispaniya chempionati turnir jadvalida peshqadamlik qilmoqda. "Sevilya" esa 13 ochko bilan beshinchi o‘rinda bormoqda.
