O‘zbekiston Superligasining 22-tur uchrashuvlari davom ettiriladi. Bugungi bahslardan birida "Surxon" va "Qo‘qon-1912" jamoalari o‘zaro kuch sinashadi.
Uchrashuv 20 sentyabr kuni soat 18:00 da boshlanadi. Bellashuvga "Bobur arena" mezbonlik qiladi.
Jamoalar shu paytgacha barcha musobaqalar doirasida 27 marta to‘qnash kelgan. Natijalar deyarli teng: "Surxon" 13 ta, "Qo‘qon-1912" esa 12 ta uchrashuvda g‘alaba qozongan. Yana 2 ta bahs durang bilan yakunlangan.
O‘zaro uchrashuvlarda gollar soni ham mutlaq teng — har ikki jamoa raqib darvozasini 41 martadan ishg‘ol qilgan.
"Surxon"ning mazkur raqib ustidan qayd etgan eng yirik g‘alabasi 5:0 hisobini tashkil etsa, "Qo‘qon-1912"ning eng yirik g‘alabasi 4:1 bo‘lgan.
