«Yuventus» bosh murabbiyi Luchano Spalletti «Atalanta» ustidan qozonilgan g‘alabani sharhladi. A Seriyaning beshinchi turidan o‘rin olgan uchrashuv 2:0 hisobida yakunlandi.
«Bugun ba’zi paytlarda himoyalanishimizga to‘g‘ri keldi. Ikkinchi bo‘limda tengma-teng o‘ynadik, ko‘proq muammo tug‘dirishimiz mumkin edi, chunki bizda bo‘sh joylar bor edi. Ammo futbol shu. «Sassuolo»dan uchralgan mag‘lubiyat biz uchun muayyan qiyinchiliklar tug‘dirdi va shubhalarni paydo qildi», — dedi Spalletti Sky Sport Italia efirida.
Murabbiy shuningdek, bu yozda «Yuventus»ga qaytgan va hozircha A Seriyada birorta ham gol urmagan Randal Kolo-Muanining o‘yiniga baho berdi.
«U haqiqatan ham yaxshi o‘yin o‘tkazdi. U darvozabon bilan birga-bir vaziyatdan foydalana olmaganida xafa bo‘ldim, u gol urishga munosib edi. Ammo yakunda Kolo-Muani baribir juda xursand edi, biz bu haqda hazillashdik».
«Yuventus» 10 ochko bilan turnir jadvalida oltinchi o‘rinda bormoqda.
