«Ювентус» бош мураббийи Лучано Спаллетти «Аталанта» устидан қозонилган ғалабани шарҳлади. А Сериянинг бешинчи туридан ўрин олган учрашув 2:0 ҳисобида якунланди.

«Бугун баъзи пайтларда ҳимояланишимизга тўғри келди. Иккинчи бўлимда тенгма-тенг ўйнадик, кўпроқ муаммо туғдиришимиз мумкин эди, чунки бизда бўш жойлар бор эди. Аммо футбол шу. «Сассуоло»дан учралган мағлубият биз учун муайян қийинчиликлар туғдирди ва шубҳаларни пайдо қилди», — деди Спаллетти Sky Sport Italia эфирида.

Мураббий шунингдек, бу ёзда «Ювентус»га қайтган ва ҳозирча А Серияда бирорта ҳам гол урмаган Рандаль Коло-Муанининг ўйинига баҳо берди.

«У ҳақиқатан ҳам яхши ўйин ўтказди. У дарвозабон билан бирга-бир вазиятдан фойдалана олмаганида хафа бўлдим, у гол уришга муносиб эди. Аммо якунда Коло-Муани барибир жуда хурсанд эди, биз бу ҳақда ҳазиллашдик».

«Ювентус» 10 очко билан турнир жадвалида олтинчи ўринда бормоқда.