«Liverpul» rahbariyati 18 yoshli vinger Rio Ngumoa bilan shartnomani uzaytirish bo‘yicha muzokaralarni tezlashtirishga qaror qildi. Bu haqda Football Insider xabar berdi.

Manba ma’lumotiga ko‘ra, mersisaydliklar futbolchiga Londonning «Arsenal» klubi tomonidan bo‘layotgan qiziqishni bartaraf etmoqchi. «Arsenal» yosh iqtidorga yetarlicha o‘yin amaliyoti kafolatini berib, uni o‘z safiga og‘dirib olishi mumkin deb hisoblamoqda.

Biroq «Liverpul» Ngumoani qo‘yib yubormoqchi emas va u bilan yangi mehnat shartnomasini imzolash niyatida.

Avvalroq Ngumoa UYEFA Millatlar ligasining navbatdagi o‘yinlari uchun ilk bor Angliya terma jamoasiga chaqiruv olgan edi.

Joriy mavsumda vinger barcha musobaqalar hisobida 5 ta uchrashuvda maydonga tushdi, ammo hozircha gol yoki golli uzatma bilan ajralib turmadi.