«Ливерпуль» раҳбарияти 18 ёшли вингер Рио Нгумоа билан шартномани узайтириш бўйича музокараларни тезлаштиришга қарор қилди. Бу ҳақда Football Insider хабар берди.
Манба маълумотига кўра, мерсисайдликлар футболчига Лондоннинг «Арсенал» клуби томонидан бўлаётган қизиқишни бартараф этмоқчи. «Арсенал» ёш иқтидорга етарлича ўйин амалиёти кафолатини бериб, уни ўз сафига оғдириб олиши мумкин деб ҳисобламоқда.
Бироқ «Ливерпуль» Нгумоани қўйиб юбормоқчи эмас ва у билан янги меҳнат шартномасини имзолаш ниятида.
Аввалроқ Нгумоа УЕФА Миллатлар лигасининг навбатдаги ўйинлари учун илк бор Англия терма жамоасига чақирув олган эди.
Жорий мавсумда вингер барча мусобақалар ҳисобида 5 та учрашувда майдонга тушди, аммо ҳозирча гол ёки голли узатма билан ажралиб турмади.
