Madridning «Atletiko» klubi Ispaniya chempionati 6-turining markaziy uchrashuvida «Real»ni 2:1 hisobida mag‘lub etdi.
Shu tariqa, Diyego Simeone shogirdlari 1977 yildan beri ilk bor «Real» ustidan o‘z maydonida ketma-ket ikkita g‘alaba qozondi.
O‘tgan mavsumda ham «Atletiko» Madrid derbisida raqibini o‘z maydonida mag‘lub etgan edi. O‘sha uchrashuv 5:2 hisobida «matraschilar» foydasiga yakunlangan.
Ayni paytda «Atletiko» Ispaniya chempionati turnir jadvalida ikkinchi o‘rinni egallab turibdi.
Keyingi turda Simeone jamoasi terma jamoalar o‘yinlari uchun tanaffusdan so‘ng Basklar mamlakatiga safar qilib, «Alaves»ga qarshi maydonga tushadi.
