Fransiya terma jamoasining yangi bosh murabbiyi Zinedin Zidan qo‘shimcha qo‘riqlash bilan ta’minlanadi. Bu haqda The Touchline xabar berdi.
Manba ma’lumotiga ko‘ra, Zidanga «Real» hujumchisi Kilian Mbappedagi kabi shaxsiy tan soqchi biriktiriladi. Shuningdek, uning xavfsizligini ta’minlaydigan qo‘riqchilar soni terma jamoaning sobiq bosh murabbiyi Didye Deshamnikidan ko‘proq bo‘ladi.
Qayd etilishicha, bunday ehtiyot choralari Zidanga bo‘lgan yuqori darajadagi e’tibor bilan bog‘liq.
Fransiya terma jamoasi Zidan qo‘l ostidagi ilk rasmiy uchrashuvini 25 sentyabr kuni Turkiyaga qarshi o‘tkazadi. Millatlar ligasi 1-turidan o‘rin olgan bahs Toshkent vaqti bilan 23:45 da boshlanadi.
