Франция терма жамоасининг янги бош мураббийи Зинедин Зидан қўшимча қўриқлаш билан таъминланади. Бу ҳақда The Touchline хабар берди.
Манба маълумотига кўра, Зиданга «Реал» ҳужумчиси Килиан Мбаппедаги каби шахсий тан соқчи бириктирилади. Шунингдек, унинг хавфсизлигини таъминлайдиган қўриқчилар сони терма жамоанинг собиқ бош мураббийи Дидье Дешамникидан кўпроқ бўлади.
Қайд этилишича, бундай эҳтиёт чоралари Зиданга бўлган юқори даражадаги эътибор билан боғлиқ.
Франция терма жамоаси Зидан қўл остидаги илк расмий учрашувини 25 сентябрь куни Туркияга қарши ўтказади. Миллатлар лигаси 1-туридан ўрин олган баҳс Тошкент вақти билан 23:45 да бошланади.
