«Tottenxem» Premyer-liganing yangi mavsumidagi besh turdan so‘ng turnir jadvalida oxirgi o‘rinni egallab turibdi. London klubi uchun bu juda noodatiy holat. Oxirgi marta «shporlar» besh turdan so‘ng jadvalning eng quyi qismida 2008 yilda bo‘lishgan edi.
Yozda «Tottenxem» yangi futbolchilarni sotib olish uchun taxminan 366 million yevro sarfladi, ammo katta moliyaviy kiritmalar hozircha kutilgan natijani keltirmadi.
Chempionatning beshta o‘yinida jamoa bor-yo‘g‘i ikki ochko jamg‘ardi — ikkita durangdan so‘ng uchta mag‘lubiyatga uchradi. Shu bilan birga, «shporlar» dastlabki to‘rt turni birorta ham gol urmasdan yakunlashgan edi. Faqatgina «Aston Villa»ga qarshi o‘tkazilgan beshinchi uchrashuvda londonliklar nihoyat o‘z nomlarini tabloga yozdirib qo‘yishga muvaffaq bo‘lishdi, ammo 2:3 hisobida imkoniyatni boy berishdi.
