O‘zbekiston Superligasining 22-turiga Urganchda yakun yasaldi.
"Xorazm" sport majmuasida o‘tgan bahsda "Qizilqum" mezbonlarni 3:1 hisobida mag‘lub etdi.
Uchrashuvda hisob 30-daqiqada ochildi. Rafael Tavares gol urib, "Xorazm"ni oldinga olib chiqdi. Biroq 40-daqiqada Otabek Jo‘raqo‘ziyev muvozanatni tikladi — 1:1.
Ikkinchi bo‘limda mehmonlar tashabbusni o‘z tomoniga og‘dirdi. 61-daqiqada "Xorazm" futbolchisi Ulug‘bek Hoshimov maydondan chetlatildi. Son jihatidan ustunlikka ega bo‘lgan "Qizilqum" 76-daqiqada Roman Papariga orqali hisobda oldinga chiqdi.
88-daqiqada Jambuli Jigauri navoiyliklarning uchinchi golini urdi va uchrashuvning yakuniy hisobini belgiladi — 1:3.
Shu tariqa, "Qizilqum" ochkolari sonini 29 taga yetkazib, turnir jadvalida 10-o‘ringa ko‘tarildi. "Xorazm" esa 21 ochko bilan 14-pog‘onada qoldi.
Superliga, 22-tur
"Xorazm" — "Qizilqum" — 1:3
Gollar: Rafael Tavares, 30 — 1:0; Otabek Jo‘raqo‘ziyev, 40 — 1:1; Roman Papariga, 76 — 1:2; Jambuli Jigauri, 88 — 1:3.
Chetlatish: Ulug‘bek Hoshimov, 61.
