Ўзбекистон Суперлигасининг 22-турига Урганчда якун ясалди.

"Хоразм" спорт мажмуасида ўтган баҳсда "Қизилқум" мезбонларни 3:1 ҳисобида мағлуб этди.

Учрашувда ҳисоб 30-дақиқада очилди. Рафаэль Таварес гол уриб, "Хоразм"ни олдинга олиб чиқди. Бироқ 40-дақиқада Отабек Жўрақўзиев мувозанатни тиклади — 1:1.

Иккинчи бўлимда меҳмонлар ташаббусни ўз томонига оғдирди. 61-дақиқада "Хоразм" футболчиси Улуғбек Ҳошимов майдондан четлатилди. Сон жиҳатидан устунликка эга бўлган "Қизилқум" 76-дақиқада Роман Папарига орқали ҳисобда олдинга чиқди.

88-дақиқада Жамбули Жигаури навоийликларнинг учинчи голини урди ва учрашувнинг якуний ҳисобини белгилади — 1:3.

Шу тариқа, "Қизилқум" очколари сонини 29 тага етказиб, турнир жадвалида 10-ўринга кўтарилди. "Хоразм" эса 21 очко билан 14-поғонада қолди.

Суперлига, 22-тур

"Хоразм" — "Қизилқум" — 1:3

Голлар: Рафаэль Таварес, 30 — 1:0; Отабек Жўрақўзиев, 40 — 1:1; Роман Папарига, 76 — 1:2; Жамбули Жигаури, 88 — 1:3.

Четлатиш: Улуғбек Ҳошимов, 61.