Madridning «Real» klubi va Fransiya terma jamoasi hujumchisi Kilian Mbappe matbuot bilan muloqot qilish uslubini o‘zgartirish niyatida emas.

Forvard ba’zida jamoatchilikni «hayratga solishi» mumkin bo‘lgan o‘ta ochiq fikrlarni bildirib turadi.

«Men hech qachon hammaga yoqishga harakat qilmaganman — buning iloji yo‘q. Men boshqa odam bo‘la olmayman va bunga hatto urinib ham ko‘rmayman.

Fransiyada ko‘p narsa odamlarni hayratga soladi, ammo men bunda hech qanday muammo ko‘rmayman. Men shunchaki o‘zim bo‘lib qolishga harakat qilaman — barcha yaxshi va yomon jihatlarim, muvaffaqiyatlarim va omadsizliklarim bilan. Men shu tarzda oldinga harakat qilaman», — deya 27 yoshli fransiyalik futbolchining so‘zlarini The Touchline keltirdi.

Kilian Mbappe joriy mavsumda 8 ta uchrashuvda 8 ta gol urdi va 2 ta golli uzatmani amalga oshirdi.