«Portu»ning azaliy raqibi «Benfika» ustidan qozongan g‘alabasiga klubda muayyan ma’muriy vazifalarni bajarib kelgan Nunu Pereyra Alveshning vafoti haqidagi tragik xabar soya soldi. Ushbu o‘yin paytida u yurak xurujiga uchragan. Tabiiyki, «Portu» ushbu vaziyat munosabati bilan hamdardlik bildirdi.

«Ushbu qayg‘uli damlarda oilasi, do‘stlari va hamkasblariga chuqur hamdardlik bildiramiz. Biz klubning sodiq muxlisini yo‘qotdik», — deyiladi «Portu» matbuot xizmati xabarida.

«Portu», Kataloniyaning «Barselona» klubi kabi, hozircha chempionatda yo‘qotishlarsiz bormoqda — o‘tkazilgan barcha yettita o‘yinda g‘alaba qozonilgan.