«Порту»нинг азалий рақиби «Бенфика» устидан қозонган ғалабасига клубда муайян маъмурий вазифаларни бажариб келган Нуну Перейра Алвешнинг вафоти ҳақидаги трагик хабар соя солди. Ушбу ўйин пайтида у юрак хуружига учраган. Табиийки, «Порту» ушбу вазият муносабати билан ҳамдардлик билдирди.
«Ушбу қайғули дамларда оиласи, дўстлари ва ҳамкасбларига чуқур ҳамдардлик билдирамиз. Биз клубнинг содиқ мухлисини йўқотдик», — дейилади «Порту» матбуот хизмати хабарида.
«Порту», Каталониянинг «Барселона» клуби каби, ҳозирча чемпионатда йўқотишларсиз бормоқда — ўтказилган барча еттита ўйинда ғалаба қозонилган.
