Maksans Lakrua Zinedin Zidan Fransiya terma jamoasi bosh murabbiyi sifatida ish boshlaganidan keyin u bilan birga ishlashni «katta faxr» deb atadi.
Zidan dushanba kuni Klerfontenda Fransiya terma jamoasi bosh murabbiyi sifatidagi ilk mashg‘ulotini o‘tkazdi. «Ko‘klar» shu tariqa kuzgi UYEFA Millatlar ligasi o‘yinlariga tayyorgarlikni boshladi.
Fransiya terma jamoasi tarkibida o‘z o‘rnini mustahkamlab borayotgan Lakrua Zidanning kelgani mashg‘ulot paytida futbolchilarga qo‘shimcha bosim bergani haqidagi fikrlarga qo‘shilmadi.
«Hech qanday bosim yo‘q. U bilan bir maydonda bo‘lishning o‘zi katta faxr», — dedi himoyachi.
«Chelsi» futbolchisi, shuningdek, texnik mashqlar davomida futbolchilar Zidan bilan muloqot qilish imkoniga ega bo‘lganini aytdi va jamoa ichidagi dastlabki suhbatlarni «juda yaxshi» deb baholadi.
Lakrua Fransiya terma jamoasidagi debyutini joriy yil boshida o‘tkazgan va shundan beri milliy jamoaga muntazam jalb qilinib kelmoqda.
