Rotterdamning «Feyenoord» klubi yarim himoyachisi Jivay Zexiel faoliyatini Angliyada davom ettirishi mumkin. Bu haqda insayder Ekrem Konur ijtimoiy tarmoqlarda xabar berdi.

Manba ma’lumotiga ko‘ra, 22 yoshli niderlandlik futbolchini Angliya Premyer-ligasining ikki top-klubi — «Chelsi» va «Arsenal» kuzatib bormoqda.

Transfermarkt portali Zexielning bozor qiymatini 10 million yevroga baholamoqda. Uning «Feyenoord» bilan amaldagi shartnomasi 2029 yil iyun oyi oxiriga qadar amal qiladi.

Joriy mavsum Niderlandiya chempionatida Jivay 7 ta uchrashuvda maydonga tushib, 5 ta gol urdi va 4 ta golli uzatmani amalga oshirdi.