Lissabonning «Benfika» klubiga tegishli qanot himoyachisi Daniel Banjaki faoliyatini Angliyada davom ettirishi mumkin. Bu haqda insayder Ekrem Konur ijtimoiy tarmoqlarda xabar berdi.

Manba ma’lumotiga ko‘ra, 18 yoshli lateral transferiga Londonning «Chelsi» klubi va «Liverpul» qiziqish bildirmoqda.

«Benfika» esa istiqbolli futbolchini sotishdan kamida 50 million yevro ishlab olishni rejalashtirmoqda.

Banjakining «Benfika» bilan amaldagi shartnomasi 2031 yil iyun oyi oxiriga qadar amal qiladi.

Transfermarkt portali himoyachining bozor qiymatini 5 million yevroga baholamoqda.

Joriy mavsum Portugaliya chempionatida Daniel 2 ta uchrashuvda maydonga tushdi.