Лиссабоннинг «Бенфика» клубига тегишли қанот ҳимоячиси Даниэл Банжаки фаолиятини Англияда давом эттириши мумкин. Бу ҳақда инсайдер Экрем Конур ижтимоий тармоқларда хабар берди.
Манба маълумотига кўра, 18 ёшли латерал трансферига Лондоннинг «Челси» клуби ва «Ливерпуль» қизиқиш билдирмоқда.
«Бенфика» эса истиқболли футболчини сотишдан камида 50 миллион евро ишлаб олишни режалаштирмоқда.
Банжакининг «Бенфика» билан амалдаги шартномаси 2031 йил июнь ойи охирига қадар амал қилади.
Transfermarkt портали ҳимоячининг бозор қийматини 5 миллион еврога баҳоламоқда.
Жорий мавсум Португалия чемпионатида Даниэл 2 та учрашувда майдонга тушди.
