«Kristal Pelas»ning sobiq futbolchisi Andros Taunsend Tailanddagi o‘yin oldidan maydonni tekislayotgan maxsus texnika ostida qolib ketgani haqida gapirdi.
«Har safar bu videoni ko‘rganimda, tanam jimirlab ketadi. Bu voqeani ko‘rish va nima sodir bo‘lishi mumkinligini anglash juda qo‘rqinchli. Yaxshiyamki, so‘nggi lahzada yerga yotib ulgurdim. Shuning uchun katok ustimdan o‘tganida hech joyim sinmadi.
Yaxshiyamki, jiddiy jarohat olmadim. Biroz lat yegan joylar va ko‘karishlar bor, xolos. O‘shanda yo to‘pig‘im, yoki tizzam sinib ketadi, deb o‘yladim. Faoliyatim shu yerda tugaydi, deb xayol qildim. Juda omadim keldi», — dedi Taunsend.
