O‘zbekiston Superligasining 22-tur yakunlariga ko‘ra, "Bunyodkor" futbolchisi Narimonjon Ahmadjonov turning eng yaxshi yosh futbolchisi deb topildi.
21 yoshli futbolchi "Buxoro"ga qarshi o‘tgan va "Bunyodkor"ning 2:1 hisobidagi g‘alabasi bilan yakunlangan uchrashuvda faol harakat qildi. Ahmadjonov 8-daqiqada Shahzodjon Ne’matjonovning goliga assist qayd etgan edi.
22-turda Narimonjonning xG ko‘rsatkichi 0,29 ni tashkil qildi. Shuningdek, u 3 ta kalit uzatmani amalga oshirdi.
Natijada "Bunyodkor" vakili Superliga 22-turining eng yaxshi yosh futbolchisi sifatida e’tirof etildi.
Narimonjon Ahmadjonovning 22-turdagi ko‘rsatkichlari:
1 assist
0,29 xG
3 ta kalit uzatma
