Ўзбекистон Суперлигасининг 22-тур якунларига кўра, "Бунёдкор" футболчиси Наримонжон Аҳмаджонов турнинг энг яхши ёш футболчиси деб топилди.

21 ёшли футболчи "Бухоро"га қарши ўтган ва "Бунёдкор"нинг 2:1 ҳисобидаги ғалабаси билан якунланган учрашувда фаол ҳаракат қилди. Аҳмаджонов 8-дақиқада Шаҳзоджон Неъматжоновнинг голига ассист қайд этган эди.

22-турда Наримонжоннинг xG кўрсаткичи 0,29 ни ташкил қилди. Шунингдек, у 3 та калит узатмани амалга оширди.

Натижада "Бунёдкор" вакили Суперлига 22-турининг энг яхши ёш футболчиси сифатида эътироф этилди.

Наримонжон Аҳмаджоновнинг 22-турдаги кўрсаткичлари:

1 ассист
0,29 xG
3 та калит узатма