«Barselona» vingeri Lamin Yamal 2026 yildagi o‘yinlari uchun nufuzli «Oltin to‘p» sovriniga munosib ekanini aytdi. 19 yoshli futbolchi o‘z fikrini izohlab berdi.
«Men «Barselona» bilan ko‘plab sovrinlarni qo‘lga kiritdim, shuningdek, terma jamoam bilan eng muhim titul — jahon chempionati kubogini ham yutdim. Ammo, avvalo, menimcha, asosiy dalilim — o‘yin uslubim. Aynan shu jihat meni o‘ziga xos qiladi», — deya Yamalning so‘zlarini The Touchline keltirdi.
Shu bilan birga, Yamal «Oltin to‘p» uchun kurashda boshqa futbolchilarning ham o‘z dalillari borligini tan oldi.
«Har kimning o‘z dalili bor. Leo Messida jahon chempionligi bor, boshqalarda esa o‘z yutuqlari. Agar kimdir: «Messi «Oltin to‘p»ga munosib» yoki «Rodri «Oltin to‘p»ga munosib», desa, bu mutlaqo tabiiy va hurmatga loyiq fikr», — dedi Yamal.
«Oltin to‘p»ni topshirish marosimi 26 oktyabr kuni bo‘lib o‘tadi.
