«Барселона» вингери Ламин Ямал 2026 йилдаги ўйинлари учун нуфузли «Олтин тўп» совринига муносиб эканини айтди. 19 ёшли футболчи ўз фикрини изоҳлаб берди.

«Мен «Барселона» билан кўплаб совринларни қўлга киритдим, шунингдек, терма жамоам билан энг муҳим титул — жаҳон чемпионати кубогини ҳам ютдим. Аммо, аввало, менимча, асосий далилим — ўйин услубим. Айнан шу жиҳат мени ўзига хос қилади», — дея Ямалнинг сўзларини The Touchline келтирди.

Шу билан бирга, Ямаль «Олтин тўп» учун курашда бошқа футболчиларнинг ҳам ўз далиллари борлигини тан олди.

«Ҳар кимнинг ўз далили бор. Лео Мессида жаҳон чемпионлиги бор, бошқаларда эса ўз ютуқлари. Агар кимдир: «Месси «Олтин тўп»га муносиб» ёки «Родри «Олтин тўп»га муносиб», деса, бу мутлақо табиий ва ҳурматга лойиқ фикр», — деди Ямал.

«Олтин тўп»ни топшириш маросими 26 октябрь куни бўлиб ўтади.