Roppa-rosa bir yil avval, 22 sentyabr kuni Parijda «Oltin to‘p»ni topshirish marosimi bo‘lib o‘tgan edi. O‘shanda sovrin «PSJ» va Fransiya terma jamoasi hujumchisi Usmon Dembelega nasib etgan.
Ovoz berish yakunlariga ko‘ra, Dembele 1380 ochko to‘plagan. «Barselona» futbolchisi Lamin Yamal 1059 ochko bilan ikkinchi, «PSJ» yarim himoyachisi Vitinya esa 703 ochko bilan uchinchi o‘rinni egallagan. Kuchli beshlikdan, shuningdek, Muhammad Saloh (657 ochko) va Rafinya (620 ochko) ham joy olgan.
2026 yilgi «Oltin to‘p» taqdirlash marosimi Londonda bo‘lib o‘tadi. Dunyoning eng yaxshi futbolchisiga beriladigan sovrinning yubiley — 70-marosimi 26 oktyabr kuni o‘tkaziladi. O‘tgan yili ushbu mukofotni qo‘lga kiritgan Usmon Dembele bu safar ham nomzodlar qatoriga kiritilgan.
