Роппа-роса бир йил аввал, 22 сентябрь куни Парижда «Олтин тўп»ни топшириш маросими бўлиб ўтган эди. Ўшанда соврин «ПСЖ» ва Франция терма жамоаси ҳужумчиси Усмон Дембелега насиб этган.
Овоз бериш якунларига кўра, Дембеле 1380 очко тўплаган. «Барселона» футболчиси Ламин Ямал 1059 очко билан иккинчи, «ПСЖ» ярим ҳимоячиси Витинья эса 703 очко билан учинчи ўринни эгаллаган. Кучли бешликдан, шунингдек, Муҳаммад Салоҳ (657 очко) ва Рафинья (620 очко) ҳам жой олган.
2026 йилги «Олтин тўп» тақдирлаш маросими Лондонда бўлиб ўтади. Дунёнинг энг яхши футболчисига бериладиган совриннинг юбилей — 70-маросими 26 октябрь куни ўтказилади. Ўтган йили ушбу мукофотни қўлга киритган Усмон Дембеле бу сафар ҳам номзодлар қаторига киритилган.
