Madridning «Real» klubi hujumchisi Kilian Mbappe jamoaning trofeylari haqida fikr bildirdi.

Fransuz futbolchisi o‘zining to‘purarlik muvaffaqiyatlariga qaramay, «qaymoqranglilar» safida haligacha birorta ham «yirik» titulni qo‘lga kiritgani yo‘q.

«Sovrinlarsiz o‘tgan ikki mavsummi? Bizdan bu mavsumda nimadir yutishimizni kutishayotganini bilamiz. Biz g‘alabalarga tashnamiz va har bir trofey uchun kurashish ishtiyoqi bilan yonmoqdamiz», — deydi Madrid Zone 27 yoshli futbolchining so‘zlarini keltirib.

Hozirgi vaqtda Joze Mourinyo jamoasi 15 ochko jamg‘arib, La Ligada to‘rtinchi o‘rinni egallab turibdi va peshqadam «Barselona»dan olti ochkoga ortda qolmoqda. Madridliklar o‘tgan ikki mavsumda «ko‘k-anorranglilar»dan keyin ikkinchi o‘rinni egallashgan edi.