Мадриднинг «Реал» клуби ҳужумчиси Килиан Мбаппе жамоанинг трофейлари ҳақида фикр билдирди.
Француз футболчиси ўзининг тўпурарлик муваффақиятларига қарамай, «қаймоқранглилар» сафида ҳалигача бирорта ҳам «йирик» титулни қўлга киритгани йўқ.
«Совринларсиз ўтган икки мавсумми? Биздан бу мавсумда нимадир ютишимизни кутишаётганини биламиз. Биз ғалабаларга ташнамиз ва ҳар бир трофей учун курашиш иштиёқи билан ёнмоқдамиз», — дейди Madrid Zone 27 ёшли футболчининг сўзларини келтириб.
Ҳозирги вақтда Жозе Моуриньо жамоаси 15 очко жамғариб, Ла Лигада тўртинчи ўринни эгаллаб турибди ва пешқадам «Барселона»дан олти очкога ортда қолмоқда. Мадридликлар ўтган икки мавсумда «кўк-анорранглилар»дан кейин иккинчи ўринни эгаллашган эди.
