Argentina terma jamoasi yarim himoyachisi Aleksis Mak Allister milliy terma jamoaning Lionel Messisiz kelajagi haqida o‘z fikrlari bilan o‘rtoqlashdi.

«Messi haqidagi so‘zlar har doim bir xil: minnatdorchilik va ikkinchi bunday o‘yinchi hech qachon bo‘lmasligini anglash. Biz u bilan o‘tkazgan vaqtimizdan to‘liq bahramand bo‘ldik. Shuningdek, u bizga yutgan barcha narsalarimizda yordam bergani uchun undan minnatdormiz. Uning xayrlashuv o‘yini, shubhasiz, juda ta’sirli bo‘ladi.

Bu yangi o‘yinchilar paydo bo‘ladigan boshqacha jarayon bo‘ladi. Biz hozirdanoq hal qiluvchi rolni o‘ynagan dunyoning eng yaxshi o‘yinchisi endi yonimizda bo‘lmasligini tushunishimiz va jamoa sifatida kuchliroq bo‘lishimiz kerak. Bu eng muhimi bo‘ladi», — deydi Mak Allisterning so‘zlarini ESPN.

Messi Argentina terma jamoasidagi faoliyatini eng yaxshi to‘purar va o‘tkazilgan o‘yinlar soni bo‘yicha rekordchi sifatida yakunlamoqda. Uning hisobida milliy terma jamoa safidagi 207 ta o‘yinda 125 ta gol bor.