"Barselona"ning 19 yoshli futbolchisi Lamin Yamal faoliyatining dastlabki davrida o‘yinlarga tayyorgarlik ko‘rish va uchrashuvlardan keyin tiklanish jarayoniga bo‘lgan munosabati qanday o‘zgarganini gapirib berdi.
"Ilk bor jismoniy muammolarga duch kelganimda, o‘zimga: "Men hali bolaman, xuddi plastikdan yasalgandekman, qanday qilib jarohat olishim mumkin?" deb o‘ylagandim. Keyinchalik bu unday ishlamasligini tushundim. Biz eng yuqori darajada o‘ynaymiz, shuning uchun barchamiz fizioterapevt bilan ishlashimiz, to‘g‘ri ovqatlanishimiz va yaxshi uxlashimiz kerak. Bularning barchasi hozirga qadar erishgan natijalarimga yetishimda yordam berdi", — deya Yamalning so‘zlarini Barca Universal keltirdi.
Ispaniyalik vinger joriy mavsumda Xans-Diter Flik jamoasi safida sakkizta o‘yin o‘tkazib, sakkizta gol urdi va oltita golli uzatmani amalga oshirdi.
