Londonning «Chelsi» klubi sobiq hamegasi Todd Byoli Rossiyaning «Lukoyl» kompaniyasiga tegishli xalqaro aktivlarni sotib olishni rejalashtirmoqda. Bu haqda Financial Times xabar berdi.

Manba ma’lumotiga ko‘ra, Byoli avvalroq AQSH sanksiyalariga tushgan «Lukoyl» aktivlarini xarid qilish niyatida. Ta’kidlanishicha, biznesmen bu masalada AQSH hukumati va mamlakat prezidenti Donald Tramp atrofidagi doiralar qo‘llab-quvvatloviga erishgan.

«Lukoyl»ning xorijiy aktivlari 20 milliard yevroga baholanayotgani aytilmoqda.

Eslatib o‘tamiz, «Lukoyl» Moskvadagi «Spartak» futbol klubining egasi va bosh homiysi hisoblanadi. Leonid Fedun 2022 yilda klubning barcha aksiyalarini neft kompaniyasiga topshirgan edi.