Лондоннинг «Челси» клуби собиқ ҳамэгаси Тодд Бёли Россиянинг «Лукойл» компаниясига тегишли халқаро активларни сотиб олишни режалаштирмоқда. Бу ҳақда Financial Times хабар берди.
Манба маълумотига кўра, Бёли аввалроқ АҚШ санкцияларига тушган «Лукойл» активларини харид қилиш ниятида. Таъкидланишича, бизнесмен бу масалада АҚШ ҳукумати ва мамлакат президенти Дональд Трамп атрофидаги доиралар қўллаб-қувватловига эришган.
«Лукойл»нинг хорижий активлари 20 миллиард еврога баҳоланаётгани айтилмоқда.
Эслатиб ўтамиз, «Лукойл» Москвадаги «Спартак» футбол клубининг эгаси ва бош ҳомийси ҳисобланади. Леонид Федун 2022 йилда клубнинг барча акцияларини нефть компаниясига топширган эди.
