Bugun, 2026 yil 23 sentyabr kuni turkiyalik futbolchi Tolga Kalender 25 yoshida vafot etdi. Bu haqda Turkiya futbol federasiyasi matbuot xizmati ma’lum qildi.
O‘lim sababiga aniqlik kiritilmagan. Shu bilan birga, avvalroq OAVda Kalenderning kasalxonaga yotqizilgani haqida xabarlar paydo bo‘lgan edi.
Tolga Kalender — markaziy va qanot himoyachisi pozisiyalarida to‘p surgan turkiyalik futbolchi. Faoliyati davomida u bir nechta klublarda, jumladan «Istanbul Bashakshehir», «Adana Demirspor», «Bayrampasha» va «Diyarbakirspor» jamoalarida o‘ynashga ulgurgan. Uning so‘nggi klubi «Bandirmaspor» bo‘ldi. Kalender professional darajada jami 131 ta o‘yin o‘tkazib, 4 ta golga mualliflik qilgan.
