Бугун, 2026 йил 23 сентябрь куни туркиялик футболчи Толга Календер 25 ёшида вафот этди. Бу ҳақда Туркия футбол федерацияси матбуот хизмати маълум қилди.
Ўлим сабабига аниқлик киритилмаган. Шу билан бирга, аввалроқ ОАВда Календернинг касалхонага ётқизилгани ҳақида хабарлар пайдо бўлган эди.
Толга Календер — марказий ва қанот ҳимоячиси позицияларида тўп сурган туркиялик футболчи. Фаолияти давомида у бир нечта клубларда, жумладан «Истанбул Башакшеҳир», «Адана Демирспор», «Байрампаша» ва «Диярбакирспор» жамоаларида ўйнашга улгурган. Унинг сўнгги клуби «Бандирмаспор» бўлди. Календер профессионал даражада жами 131 та ўйин ўтказиб, 4 та голга муаллифлик қилган.
