Madridning «Real» klubi sobiq o‘yinchisi Luish Figu Joze Mourinyo boshchiligidagi «qaymoqranglilar»ning ishonchsiz o‘yini haqida o‘z fikrini bildirdi.
«Real» oxirigacha kurashishiga shubham yo‘q. Chempionatdagi raqobat may oyigacha davom etishi kerak. Mavsum davomida ko‘tarilishlar va pasayishlar bo‘lib turadi. Qiyin daqiqalar kelganida, ularni yengib o‘tish va oldinga harakat qilish uchun yetarlicha tajriba va mahoratga ega bo‘lish lozim», — dedi Figu Radio MARCAʼga.
Ispaniya chempionatining yettinchi turida «Real» derbida «Atletiko»ga 1:2 hisobida imkoniyatni boy berib qo‘ydi. Ushbu mag‘lubiyat «qaymoqranglilar» uchun yangi mavsumdagi ikkinchisi bo‘ldi.
Yetti tur yakunlariga ko‘ra, Mourinyu shogirdlari 15 ochko jamg‘arib, La Liga turnir jadvalida to‘rtinchi o‘rinda borishmoqda.
