«Real» va «Barselona»ning sobiq o‘yinchisi Luish Figu «Oltin to‘p» uchun ovoz berishda asosiy favoritlar kim ekanligi haqida gapirishni xohlamadi.
«G‘olibni ovoz beradiganlar tanlaydi. Kutish va nima sodir bo‘lishini ko‘rish kerak. Men ovoz bermayman, shuning uchun kallamda bunday muammo yo‘q», — dedi Figu Radio MARCAʼga.
Bu yilgi mukofotga eng asosiy da’vogarlar sifatida hujumchilar Harri Keyn («Bavariya»), Kilian Mbappe («Real») va Lamin Yamal («Barselona») e’tirof etilmoqda.
«Oltin to‘p»ning amaldagi sohibi — «PSJ»ning fransuz futbolchisi Usmon Dembele. O‘tgan mavsum yakunlariga ko‘ra topshiriladigan yangi mukofotni topshirish marosimi 26 oktyabr kuni Londonda bo‘lib o‘tadi.
