«Реал» ва «Барселона»нинг собиқ ўйинчиси Луиш Фигу «Олтин тўп» учун овоз беришда асосий фаворитлар ким эканлиги ҳақида гапиришни хоҳламади.
«Ғолибни овоз берадиганлар танлайди. Кутиш ва нима содир бўлишини кўриш керак. Мен овоз бермайман, шунинг учун калламда бундай муаммо йўқ», — деди Фигу Radio MARCAʼга.
Бу йилги мукофотга энг асосий даъвогарлар сифатида ҳужумчилар Ҳарри Кейн («Бавария»), Килиан Мбаппе («Реал») ва Ламин Ямаль («Барселона») эътироф этилмоқда.
«Олтин тўп»нинг амалдаги соҳиби — «ПСЖ»нинг француз футболчиси Усмон Дембеле. Ўтган мавсум якунларига кўра топшириладиган янги мукофотни топшириш маросими 26 октябрь куни Лондонда бўлиб ўтади.
