«Galatasaray»dan ketgach erkin agentga aylangan hujumchi Mauro Ikardi Argentinada 2099 yilgacha mashina boshqarishdan vaqtinchalik mahrum qilindi. Bu haqda Onefootball xabar bermoqda.

Bu voqea ijtimoiy tarmoqlarda uning avtomobili aks etgan video joylanganidan so‘ng yuz berdi. Futbolist yopiq turar joy majmuasi hududida harakatlanayotgan bo‘lgan, uning hamrohi China Suares esa harakat vaqtida xavfsizlik kamarini yechib, derazadan tashqariga chiqib olgan.

Hokimiyat organlarining ma’lumotlariga ko‘ra, tekshiruv davomida Ikardining amaldagi haydovchilik guvohnomasi yo‘qligi aniqlangan. Ma’lum qilinishicha, uning Italiyada berilgan guvohnomasi 2019 yilning may oyidayoq Buenos-Ayresda qayta rasmiylashtirilishi va uzaytirilishi kerak bo‘lgan.

Ikardi chiqarilgan qarorga rozi bo‘lmadi. U Italiya haydovchilik guvohnomasi 2029 yilgacha amal qilishini ta’kidlab, transport boshqarmasi ishini tanqid qildi.