«Галатасарай»дан кетгач эркин агентга айланган ҳужумчи Мауро Икарди Аргентинада 2099 йилгача машина бошқаришдан вақтинчалик маҳрум қилинди. Бу ҳақда Onefootball хабар бермоқда.
Бу воқеа ижтимоий тармоқларда унинг автомобили акс этган видео жойланганидан сўнг юз берди. Футболист ёпиқ турар жой мажмуаси ҳудудида ҳаракатланаётган бўлган, унинг ҳамроҳи Чина Суарес эса ҳаракат вақтида хавфсизлик камарини ечиб, деразадан ташқарига чиқиб олган.
Ҳокимият органларининг маълумотларига кўра, текширув давомида Икардининг амалдаги ҳайдовчилик гувоҳномаси йўқлиги аниқланган. Маълум қилинишича, унинг Италияда берилган гувоҳномаси 2019 йилнинг май ойидаёқ Буэнос-Айресда қайта расмийлаштирилиши ва узайтирилиши керак бўлган.
Икарди чиқарилган қарорга рози бўлмади. У Италия ҳайдовчилик гувоҳномаси 2029 йилгача амал қилишини таъкидлаб, транспорт бошқармаси ишини танқид қилди.
