«Bavariya» hujumchisi va Angliya terma jamoasi sardori Xarri Keyn futbolchilik faoliyatini yakunlagach, amrikancha futbol deb ataladigan sport turida o‘zini sinab ko‘rish ehtimolini ko‘rib chiqayotganini tan oldi.

«Men bunga biroz jiddiyroq qarashga harakat qilaman. Hamma narsa keyingi besh-olti yil ichida faoliyatimda nimalar sodir bo‘lishiga, motivasiyaga va nimani xohlashimga bog‘liq. NFL golfga qaraganda ancha realistikroq», — dedi Keyn ESPN nashriga.

Forvard penalti tepish tajribasi unga yordam berishi mumkinligini ta’kidladi.

«Men penaltilarni amalga oshiraman, u yerda esa bosim va texnika juda o‘xshash. Agar bunga qaror qilsam, avvaliga olti oydan bir yilgacha vaqtimni mashg‘ulotlarga sarflayman».

Shu bilan birga, 33 yoshli ingliz hozircha faoliyatini yakunlash haqida o‘ylamayapganini va kolganicha uzoqroq o‘ynashni xohlashini ta’kidladi.