«Бавария» ҳужумчиси ва Англия терма жамоаси сардори Харри Кейн футболчилик фаолиятини якунлагач, амриканча футбол деб аталадиган спорт турида ўзини синаб кўриш эҳтимолини кўриб чиқаётганини тан олди.

«Мен бунга бироз жиддийроқ қарашга ҳаракат қиламан. Ҳамма нарса кейинги беш-олти йил ичида фаолиятимда нималар содир бўлишига, мотивацияга ва нимани хоҳлашимга боғлиқ. НФЛ гольфга қараганда анча реалистикроқ», — деди Кейн ESPN нашрига.

Форвард пенальти тепиш тажрибаси унга ёрдам бериши мумкинлигини таъкидлади.

«Мен пенальтиларни амалга ошираман, у ерда эса босим ва техника жуда ўхшаш. Агар бунга қарор қилсам, аввалига олти ойдан бир йилгача вақтимни машғулотларга сарфлайман».

Шу билан бирга, 33 ёшли инглиз ҳозирча фаолиятини якунлаш ҳақида ўйламаяпганини ва колганича узоқроқ ўйнашни хоҳлашини таъкидлади.