«Bavariya»ning 18 yoshli yarim himoyachisi Lennart Karl «Real»ning qiziqishlar doirasiga tushib qoldi.
Madrid klubi germaniyalik futbolchi atrofidagi vaziyatni sinchkovlik bilan kuzatib bormoqda va u myunxenliklar bilan shartnomani uzaytirish-uzaytirmasligini tushunib olmoqchi. Bu haqda CFBayern Insider jurnalist Kristian Falkga tayangan holda xabar bermoqda.
Eslatib o‘tamiz, futbolchining o‘zi ilgari Madridning «Real» klubini o‘z orzusidagi jamoa deb atagan edi.
Uning «Bavariya» bilan amaldagi shartnomasi 2029 yilgacha mo‘ljallangan, o‘yinchining bozor qiymati esa 60 million yevroga baholanmoqda. O‘tgan mavsumda Karl barcha turnirlarda to‘qqizta gol urdi va to‘qqizta golli uzatmani amalga oshirdi.
