«Monako» yarim himoyachisi Lamin Kamara yanvar oyidagi transferlar oynasida Angliyaga ko‘chib o‘tishi mumkin. Bu haqda insayder Ekrem Konur ijtimoiy tarmoqlar orqali xabar berdi.
22 yoshli senegallik futbolchining transferiga Londonning «Chelsi» klubi va «Liverpul» qiziqish bildirmoqda. Ayni paytda mersisaydliklar afrikalik futbolchi uchun kurashda favorit hisoblanmoqda.
Kamaraning transfer qiymati 40 million yevroni tashkil etadi. Yarim himoyachining «Monako» bilan amaldagi shartnomasi 2029 yil iyun oyi oxiriga qadar mo‘ljallangan.
Fransiya chempionatining joriy mavsumida Lamin beshta o‘yinda maydonga tushib, bitta golli uzatmani amalga oshirdi.
