«Монако» ярим ҳимоячиси Ламин Камара январь ойидаги трансферлар ойнасида Англияга кўчиб ўтиши мумкин. Бу ҳақда инсайдер Экрем Конур ижтимоий тармоқлар орқали хабар берди.
22 ёшли сенегаллик футболчининг трансферига Лондоннинг «Челси» клуби ва «Ливерпуль» қизиқиш билдирмоқда. Айни пайтда мерсисайдликлар африкалик футболчи учун курашда фаворит ҳисобланмоқда.
Камаранинг трансфер қиймати 40 миллион еврони ташкил этади. Ярим ҳимоячининг «Монако» билан амалдаги шартномаси 2029 йил июнь ойи охирига қадар мўлжалланган.
Франция чемпионатининг жорий мавсумида Ламин бешта ўйинда майдонга тушиб, битта голли узатмани амалга оширди.
