Avstriya terma jamoasi o‘z maydonida Millatlar ligasi 1-turida Isroil ustidan g‘alaba qozondi — 3:1.
Avstriyaliklar tarkibida Romano Shmid (penaltidan, 43-minuta), Fillipp Mvene (90-minuta) va Sasha Kalaydjich (90+3-minuta) gol muallifi bo‘lishdi.
Mehmonlardan Sayed Abu Farxi (55-minuta) ajralib turdi. Goldan so‘ng Abu Farxi nishonlash vaqtida burchak bayroqchasini olib, undan o‘q uzishni imitasiya qildi. Ushbu harakati uchun ikkinchi sariq kartochkani oldi va o‘z jamoasini maydonda bir kishi kam bo‘lib qolishiga sababchi bo‘ldi.
B ligasining 3-guruhida parallel kechgan o‘yinda Kosovo terma jamoasi Irlandiyani mag‘lub etdi — 1:0. Boshqa o‘yinlarda Litva Lixtenshteynni yengdi (2:0), Malta esa Andorra ustidan g‘alaba qozondi (2:1).
