«Barselona» hujumchisi Rafinya Dias murabbiy Xans-Diter Flikning o‘z muvaffaqiyatlariga qo‘shgan hissasini yana bir bor ta’kidlab o‘tdi.

Joriy mavsumda braziliyalik futbolchi — nominal vinger — «ko‘k-anorranglilar» ustozi tomonidan markaziy hujumchi pozisiyasiga o‘tkazilgach, o‘zini yorqin tomondan ko‘rsatmoqda.

«Flik hayotimni o‘zgartirdi — buni har doim aytaman. U mening dunyoqarashimga ta’sir qildi, shaxs sifatida kuchliroq bo‘ldim. Murabbiy sizga ishonch bildirganda, bor-yog‘i bir nechta so‘zning o‘zi kifoya qiladi. Men darhol uning menga to‘liq ishonishini his qildim.

Agar Flik bo‘lmaganida, men allaqachon «Barselona»da bo‘lmasdim. 2024 yilda klubdagi kunlarim sanab bo‘lingan deb hisoblardim. Ketmoqchi edim. Ketin murabbiy men bilan gaplashdi va bir necha daqiqa ichida unga kerakligimga meni ishontirdi», — deydi 29 yoshli futbolchi The Guardian nashriga bergan intervyusida.

Rafinya joriy mavsumdagi sakkizta o‘yinda o‘z hisobiga 14 ta gol va uchta rezultativ uzatma yozib qo‘ydi.