"Fiorentina" qishki transfer oynasida "Tottenxem" himoyachisi Destini Udodjini o‘z safiga qo‘shib olish imkoniyatini ko‘rib chiqmoqda. Bu haqda Sportsmole xabar berdi.
Italiya klubi sport direktori Fabio Paratichi 23 yoshli futbolchini A Seriyaga qaytarishdan shaxsan manfaatdor. Paratichi avval "Tottenxem"da ishlagan va 2022 yilda Udodjining London klubiga o‘tishini tashkil qilgan edi.
"Fiorentina" Fabiano Parizining xochsimon payi jarohatidan keyin chap qanot himoyachisiga ehtiyoj sezmoqda. Ayni paytda klub bu pozisiyada markaziy himoyachilar Vyeri va Viktor Valdepenyani ishlatishga majbur bo‘lmoqda.
Udodji joriy mavsumda "Tottenxem"ning asosiy tarkibidagi o‘rnini yo‘qotdi. U APLda 5 ta o‘yin o‘tkazdi va faqat bittasini asosiy tarkibda boshladi.
